12
Jun 25
मा.ना. श्री. प्रकाश आबिटकर, पालकमंत्री, कोल्हापूर यांच्या संकल्पनेतून १०० दिवसांचा प्राधान्य कृती कार्यक्रम (मुख्यमंत्री प्रशासकीय गतिमानता अभियान) कोल्हापूर जिल्ह्यामध्ये दि. १ मे ते १५ ऑगस्ट पर्यंत राबविणेत येत आहे.
सदर अभियान अंतर्गत चंदगड नगरपंचायतीस एकूण ८ उपक्रम राबविणेबाबत सुचित करणेत आले असून चंदगड शहरातील वाहतूक व्यवस्था सुरळीत होण्याच्या दृष्टीने शहराची मुख्य बाजारपेठ छत्रपती संभाजी चौक ते छत्रपती शिवाजी चौक पर्यंत रस्ताच्या दोन्ही बाजूस सम विषम दिनांकाप्रमाणे पार्किंग व्यवस्था तयार करणेत आली आहे. तसेच जिल्हा परिषद कन्या कुमार शाळा ते छत्रपती शिवाजी चौक पर्यंत रस्ताच्या दोन्ही बाजूस रिफ्लेटिंग पट्टे मारून दोन्ही बाजूस दुचाकी व चार चाकी पार्किंग व्यवस्था करणेत आली असून वाहतूक रस्ता खुला ठेवण्यात आला आहे. त्याचप्रमाणे गुरुवार आठवडी बाजार दिवशी शहरातील वाहतूक बायपास रस्त्याकडून वळविण्यात येते. तसेच नगरपंचायत प्रारूप विकास आराखडा मध्ये पार्किंग साठी आरक्षण प्रस्तावित करणेत आले आहे व सदर प्रस्ताव मंजुरीस्तव शासनाकडे सादर करणेत आला आहे.