28
Jul 25
यड्राव
येथील देशभक्त बाबासाहेब भाऊसाहेब खंजिरे शिक्षण संस्थेच्या नाईट कॉलेज ऑफ आर्ट्स अँड कॉमर्स मधील राष्ट्रीय सेवा योजना, विद्यार्थी विकास कक्ष आणि स्पर्धा परीक्षा मार्गदर्शन केंद्र यांच्या संयुक्त विद्यमाने रस्ता सुरक्षा सप्ताह साजरा करण्यात आला. या निमित्ताने महाविद्यालयात जनजागृतीपर व्याख्यान कार्यक्रम उत्साहात संपन्न झाला.
प्रमुख पाहुणे इचलकरंजी येथील सहाय्यक प्रादेशिक परिवहन अधिकारी विजय इंगवले, मोटर वाहन निरीक्षक राघवेंद्र पाटील, सहाय्यक मोटर वाहन निरीक्षक ,दत्तात्रय शिर्के, ज्योती पाटील आणि
सहाय्यक मोटर वाहन निरीक्षक स्वरूपा नागरे-पाटील उपस्थित होते.
यावेळी बोलताना विजय इंगवले म्हणाले, रस्ते सुरक्षा आणि अपघात या बाबी कमी करण्यासाठी जशी वाहतुकीच्या नियमांची माहिती असणे पुरेसे नाही तर ही समस्या सोडविण्यासाठी मानवी वर्तनात बदल होणे आवश्यक आहे. सुरक्षित प्रवासामुळे आपला तर जीव वाचवतोच पण इतरांचा जीवही आपण वाचवीत असतो हे लक्षात ठेवले पाहिजे.
या कार्यक्रमासाठी महाविद्यालयाचे प्राध्यापक, विद्यार्थी, विद्याथिनीनी सहभाग घेतला.